သင်လူတစ်ယောက်ဖြစ်ပြီလား
=====================
သာသနာတော် သက္ကရာဇ် ၃၈၁ နှစ်က ၊ ဒုဋ္ဌဂါမဏိမင်းကြီးသည် ဗုဒ္ဓသာသနာတော်ကို ဖျက်စီးနေကြသော ကြေကုလားမင်းပေါင်း (၃၂) ဦး၊ နောက်လိုက်စစ်သည်ပေါင်း (၂၁၈၇၀၀)ကျော်တို့ကို တိုက်ပွဲကြီး(၂၉) ကြိမ် ဆင်နွဲပြီး၊ (၂) နှစ်ကျော်ကျော်ကြာအောင် ရှင်းလင်းခဲ့ရသည်။ သာသနာ့ရန်သူများ ရှင်းလင်းပြီး ဖြစ်သော်လည်း ဒုဋ္ဌဂါမဏိမင်းကြီးသည် မင်းစည်းစိမ်ကို ချမ်းသာစွာမခံစားနိုင်ဘဲ မအိပ်နိုင်မစားနိုင်ဖြစ်ကာ စိတ်ဆင်းရဲကြီး ဆင်းရဲနေရရှာသည်။
အကြောင်းကား ကြေကုလားများကို သိန်းနှင့်ချီပြီးသတ်ခဲ့သော အကုသိုလ်များကို တွေးမိသောကြောင့်ပါတည်း။ ထိုအခါ ပီယင်္ဂုကျွန်းတွင် နေထိုင်သော ရဟန္တာရှစ်ပါး ကြွလာပြီးလျှင်-
သဂ္ဂမဂ္ဂန္တရာယောစ၊ နတ္ထိတေ တေန ကမ္မုနာ။
ဒီယဍ္ဎ မနုဇာ ဝေတ္ထ၊ ဃာတီတာ မနုဇာဓိပ။
ဒကာတော်မင်းကြီး ကြေးကုလားတို့ကို သတ်ခဲ့သော အကုသိုလ်သည် သင်မင်းကြီးအား နတ်ပြည်မရောက်အောင် မဂ်ဖိုလ်မရအောင် မတားနိုင်ပါ၊ သေသူ လူနှစ်သိန်းကျော် တို့တွင် လူတစ်ယောက်နှင့် တစ်ခြမ်းကိုသာ သတ်ဖြတ်မိရာ ရောက်ပေသည်။
သရဏေသုဋ္ဌိတော ဧကော၊ ပဉ္စသီလေပိ စာပရော။
မစ္ဆာဒိဋ္ဌိစ ဒုဿီလာ၊ သေသော ပသုသမာ မတာ။
အဘယ်ကြောင့်ဆိုသော် သရဏဂုံ သုံးပါးတည်သူ တစ်ယောက် ပါသွားသောကြောင့် လူတစ်ခြမ်းကိုသာ သတ်ရာရောက်၏။ သရဏဂုံ သုံးပါနှင့် ငါးပါးသီလ နှစ်မျိုးလုံးပြည့်စုံသူ တစ်ယောက် ပါသွားသောကြောင့် လူတစ်ယောက်ကို သတ်ရာရောက်သည်။
ထိုနှစ်ဦးမှတစ်ပါး ကြွင်းသောသူတို့ကား အယူမှားသည့် မိစ္ဆာဒိဋ္ဌိများ၊ သီလမရှိသော ဒုဿိလများ ဖြစ်သောကြောင့် နွား၊ကျွဲ၊ဆိတ်၊သိုး စသော တိရိစ္ဆာန် အဆင့်သာ ရှိသောသူများဖြစ်ကြသည်။ ထိုသို့ ဖြေရှင်းပေးလိုက်သောကြောင့် ယုံမှားသံသယနှင့် ကုက္ကုစ္စများ ကင်းကွာကာ ကျန်းမာချမ်းသာစွာဖြင့် သာသနာပြုသွားခဲ့ပါသည်။ သက်တန်းစေ့၍ နတ်ရွာစံသော် အရိမေတ္တေယျ ဘုရားအလောင်းနတ်သားရှိသည့် တုသိတာနတ်ဘုံသို့ ရောက်ခဲ့ရသည်။ ထိူနတ်ဘုံသည် လူသက်နှစ်တွက်လျှင် ငါးဆယ့်ခုနှစ်ကုဋေနှင့် အနှစ်ခြေက်သန်း အသက်ရှည်ပေသည်။ ( မဟာဝန်ကျမ်း)
အနှစ်ချုပ်သင်ခန်းစာ
==============
ဤသာဓကကို ထောက်ဆသောအားဖြင့် သရဏဂုံတည်ရုံ၊ ဗုဒ္ဓဘာသာဖြစ်ရုံနှင့် လူတစ်ယောက်ဟု မခေါ်နိုင်သေး၊ သရဏဂုံနှင့်ငါးပါးသီလ နှစ်မျိုးလုံးပြည့်စုံမှ လူတစ်ယောက်ဖြစ်ကြောင်း သိရပေသည်။
ထို့ကြောင့် သရဏဂုံတည်ရုံနှင့် အားရတင်းတိမ်မနေဘဲ ငါးပါးသီလကိုပါ စောင့်ထိန်းသင့်ကြောင်း ပထမအချက်အနေဖြင့် တိုက်တွန်းချင်ပေသည်။
မေတ္တာရှင် (ရွှေပြည်သာ)
သီလအစွမ်း အံ့မခန်းစာအုပ်မှ ကောက်နှုတ်ဖော်ပြသည်။
(Admin)
No comments:
Post a Comment